“Opera Euro Rapid”: Teymur Rəcəbov dörddəbir finalda Aniş Giri ilə mübarizə aparacaq | |
Bu gün “Champions Chess Tour” seriyası çərçivəsində keçirilən “Opera Euro Rapid” onlayn turnirinin dörddəbir final yarışları start götürəcək. Azərbaycan şahmatçısı Teymur Rəcəbov Niderland təmsilçisi Aniş Giri ilə pley-offun birinci oyununda mübarizə aparacaq. Dörddəbir finalın digər iştirakçıları - hazırkı dünya çempionu, norveçli Maqnus Karlsen rusiyalı Daniil Dubov, Uesli So polşalı Yan-Kşiştof Duda, fransalı Maksim-Vaşye Laqrav ermənistanlı Levon Aronyan ilə üz-üzə gələcəklər. Şahmatçımız turnirin seçmə mərhələsinin qrup oyunlarında mübarizə aparıb və 15 turdan 8 xal toplayaraq 7-ci yerdə qərarlaşmaqla pley-offa vəsiqə qazanıb. Şahmatçımızın seçmə mərhələsinin sonuncu – 15-ci turda prinsipial rəqibi ermənistanlı Levon Aronyanla oyunu heç-heçə ilə başa çatıb. Turnir fevralın 14-dək davam edəcək. Yarışın ümumi mükafat fondu 100 min ABŞ dollarıdır ki, onun da 30 minini qalib alacaq. “Champions Chess Tour” seriyası çərçivəsində keçirilən ikinci - “Airthings Masters” turnirinin finalında Teymur Rəcəbov Levon Aronyanı məğlub edərək yarışın qalibi olub. |
|
Xəbər 437 dəfə oxundu. |
|
|