Futzal üzrə Azərbaycan millisi Avropa çempionatlarında 25-ci qələbəsini qazanıb | |
Futzal üzrə Azərbaycan millisi Avropa çempionatlarında 25-ci qələbəsini qazanıb. Seçmə və final mərhələlərində ümumilikdə 53-cü matçına çıxan yığmamızın yubiley uğuru Yunanıstanla görüşə təsadüf edib. Bu, Avropa çempionatının seçmə mərhələsinin ikinci turunda qeydə alınıb. Afinadakı qarşılaşmayadək 24 dəfə qalib gələn millimiz səfərdə 3:0 hesablı qələbə qazanıb. Komandamız digər matçlarda 9 heç-heçə edib və 19 dəfə uduzub. Avropa səhnəsinə 1995-ci ildə çıxan yığmamız ilk qələbəsini 26 il öncə qazanıb. Həmin vaxt oktyabrın 23-də Polşa ilə üz-üzə gələn komandamız rəqibini 6:4 hesabı ilə məğlub edib. Yığmamız bu görüşlərdə 185 qol vurub və 170-ni buraxıb. Qeyd edək ki, millimiz seçmə mərhələdə Slovakiyanı 4:1, Yunanıstanı 3:0 hesabı ilə məğlubiyyətə uğradaraq 3-cü qrupun vahid lideridir. |
|
Xəbər 389 dəfə oxundu. |
|
|