Namiq Ələsgərov Mahir Emrelini qabaqlayıb

Azərbaycan Premyer Liqasında mövsümün ilk yarısının bombardiri olan Namiq Ələsgərov 8 qol vurub. “Neftçi”nin yarımmüdafiəçisi 8 komandanın mübarizə apardığı çempionatlarda qış fasiləsinə qədər ən çox qola imza atan yerli futbolçu olub. 2016/2017-ci il mövsümündən indiki formatda keçirilən yarışda yalnız bir dəfə fasiləyədək daha çox qol vuran oyunçuya təsadüf olunub. Bu, 3 il əvvəl “Qəbələ”də 9 qola imza atan Baqali Dabodur. Yalnız fransalıdan geri qalan N.Ələsgərov yerli futbolçular arasında ən yüksək göstəriciyə nail olub. O, iki mövsümdə 7, bir dəfə 6 qolla ilk bölümü tamamlayan Mahir Emrelinin nəticəsini arxada qoyub.

Xəbər 590 dəfə oxundu.