Qadın güləşçilərimiz Türkiyə və Moldova yığmaları ilə birgə toplanış keçirlər

Qadınlardan ibarət güləş yığmamız İstanbulda təlim-məşq toplanışını davam etdirir. Yanvarın 4-də start götürən hazırlıq prosesi ayın 20-dək davam edəcək. Komandamız baş məşqçi Aslan Ağayev və məşqçi Rövşən Umudovun rəhbərliyi altında Türkiyə və Moldova milliləri ilə birgə hazırlıq keçir. "Qorrion" otelində məskunlaşan komandalar həm fiziki, həm də taktiki-texniki hazırlıq üzərində çalışırlar. Qeyd edək ki, hazırlıq prosesi qarşıdakı mühüm yarışlara, o cümlədən lisenziya turnirlərinə hazırlıq xarakteri daşıyır.

Xəbər 421 dəfə oxundu.