Dekabrın 8-də Azərbaycan İdman Jurnalistləri Federasiyasının (AİJF) prezidenti, Əməkdar jurnalist Qabil Mehdiyev idman könüllüləri ilə görüşüb.“İdman tədbirlərinin mediada işıqlandırılması” mövzusuna həsr olunan görüş dekabrın 1-dən 10-dək keçirilən “Könüllülər dekadası” çərçivəsində təşkil edilib.
Tədbiri giriş sözü ilə açan “Azərbaycan İdman Könüllüləri” İctimai Birliyinin sədri Miraqil Seyidzadə “Könüllülər dekadası” çərçivəsində görülən tədbirlərdən danışıb.
Görüşdə Q.Mehdiyev idman könüllüləri üçün seminar keçib, gəncləri maraqlandıran sualları cavablandırıb.
Seminarda fəal iştirak edən gənclərə xatirə hədiyyələri təqdim olunub.
Xatırladaq ki, “Könüllülər dekadası” Gənclər və İdman Nazirliyinin, Milli Olimpiya Komitəsinin, “Azərbaycan İdman Könüllüləri”, “Azərbaycan İdmançıları” İctimai birliklərinin və Azərbaycan Məktəb İdmanı Federasiyasının təşkilatçılığı ilə reallaşdırılır.
Xəbər 594 dəfə oxundu.