“Lokomotiv” - “Eczaçıbaşı” oyunu azərbaycanlı hakimə həvalə olunub

Azərbaycanın beynəlxalq dərəcəli hakimi Eldar Zülfüqarov Avropa Voleybol Konfederasiyası (CEV) tərəfindən yeni təyinat alıb. Həmyerlimiz Çempionlar Liqasında qadın voleybolçuların yarışlarının “D” qrupunda mübarizə aparan Rusiyanın “Lokomotiv Kalininqrad” və Türkiyənin “Eczaçıbaşı” komandaları arasında keçiriləcək ilk görüşü idarə edəcək. E.Zülfüqarova polşalı Anjelika Miçlik kömək edəcək. Qrupun ilk oyunlarına İstanbul ev sahibliyi edəcək. “Lokomotiv” - “Eczaçıbaşı” matçı dekabrın 9-da Burhan Felek Voleybol Arenasında təşkil olunacaq.

Xəbər 456 dəfə oxundu.