Sabah Azərbaycan cüdoçularının da qatılacağı Avropa çempionatı start götürəcək
Sabah Azərbaycan cüdoçularının da iştirak edəcəkləri Avropa çempionatı start götürəcək.

Çexiyanın paytaxtı Praqada keçiriləcək qitə çempionatında Nicat Şıxəlizadə, Orxan Səfərov (hər ikisi 66 kq), Rüstəm Orucov, Telman Vəliyev (hər ikisi 73 kq), Murad Fətiyev (81 kq), Məmmədəli Mehdiyev (90 kq), Elmar Qasımov, Zelim Kotsoyev (hər ikisi 100 kq), Uşangi Kokauri (100 kiloqramdan yuxarı) kişilər arasında güclərini sınayacaqlar. Qadınların yarışında isə Aişə Qurbanlı, Leyla Əliyeva (hər ikisi 48 kq), Gültac Məmmədəliyeva (52 kq), Aleksandra-Larisa Florian (57 kq), İrina Kindzerska (78 kiloqramdan yuxarı) mübarizə aparacaqlar.

Avropa çempionatı noyabrın 21-dək davam edəcək. Qitə birinciliyində 40 ölkədən 355 cüdoçu iştirakını təsdiqləyib.

Xəbər 491 dəfə oxundu.