“Sivasspor”-“Qarabağ” oyununun hakimlərinin dəyişdirilməsinin səbəbi müəyyənləşib

UEFA Avropa Liqasında “I” qrupunun üçüncü turunda Türkiyənin “Sivasspor” komandası ilə “Qarabağ” klubu arasında keçirilmiş oyunun hakimlərinin dəyişdirilməsinin səbəbi müəyyənləşib. Daha əvvəl UEFA-nın matça təyin etdiyi portuqaliyalı referi Joau Pineyruda koronavirus aşkarlandığı üçün qarşılaşma İsveçrədən olan hakimlər briqadasına həvalə olunub. Məlumatı Portuqaliya Futbol Federasiyasının rəsmi saytı yayıb. Pineyru ilə yanaşı, yan xətt hakimləri Tyaqu Joze Pereyra Koşta və Pedru Ribeyru da müvafiq olaraq, isveçrəli həmkarları ilə əvəzləniblər. Oyunun 4-cü hakimi Yanku Yoan Vasilitsa isə dəyişdirilməyib. Qeyd edək ki, “Qarabağ”ın 0:2 hesabı ilə uduzduğu matçı Sandro Şörerin başçılıq etdiyi hakimlər briqadası idarə edib.

Xəbər 411 dəfə oxundu.