“Universiada-2023”ün iştirakçıları Rusiyaya vizasız daxil ola biləcəklər

Yekaterinburqda keçiriləcək “Universiada-2023”ün iştirakçıları Rusiyaya vizasız daxil ola biləcəklər. Bu barədə hüquqi məlumat portalında yayımlanan hökumət sənədində bildirilir. Sənədi Rusiyanın Baş Naziri Mixail Mişustin imzalayıb. Universiadanın Yekaterinburqda keçirilməsi ilə bağlı qərar 2019-cu il iyulun 2-də Beynəlxalq Universitet İdmanı Federasiyasının (FISU) İcraiyyə Komitəsi tərəfindən verilib. Qeyd edək ki, XXXI Ümumdünya Yay Universiadası 2021-ci ildə Çinin Çendu şəhərində təşkil olunacaq. Ötən il İtaliyanın Neapol şəhərində keçirilən XXX Yay Universiadasında Azərbaycan milli komandası 2 qızıl, 3 gümüş və 2 bürünc medal qazanaraq komanda hesabında 18-ci yerdə qərarlaşıb. Universiada 2023-cü il avqustun 8-19-da keçiriləcək.

Xəbər 586 dəfə oxundu.