Bir ara adı «Fənərbağça» ilə də bağlı hallanan braziliyalı müdafiəçi Lusio «A» Seriyanı tərk etmək istəməyib. Ancaq klub dəyişikliyini edib. Bundan sonra o, «Yuventus»un formasını geyinəcək.İdman.com.az saytının məlumatına görə, 2009-cu ildən bəri şərəfini qoruduğu «İnter»lə yollarını mövsümün sonunda ayıran 34 yaşlı futbolçu, son İtaliya çempionu «Yuventus»la 2 illik müqavilə imzalayacaq. Lusio transfer dövründə «Fənərbağça»dan savayı, La Liqadan «Malaqa»nın da gündəminə düşmüşdü.
«Bayer»ə qarşı Çempionlar Liqası final oyunundan sonra «Bavariya»ya transfer olunmuş braziliyalı müdafiəçi 3 il əvvəl «İnter»lə razılaşmışdı. Lusiu Milan təmsilçisi ilə 2010-cu ildə Çempionlar Liqası zəfərini yaşamışdı.
Xəbər 1068 dəfə oxundu.