Peşəkar Futbol Liqasının prezidenti vəzifəsinə növbəti seçki keçirilib

Sentyabrın 14-də AFFA-nın inzibati binasında Peşəkar Futbol Liqasının prezidenti vəzifəsinə seçkilər keçirilib. Səsvermə prosesində AFFA-nın icraçı vitse-prezidenti Elxan Məmmədov, PFL prezidenti Ramin Musayev və klub nümayəndələri iştirak ediblər. Tədbirdə “Qarabağ”ı direktor Emrah Çelikel, “Neftçi” və “Qəbələ” klublarını müvafiq olaraq prezidentlər Kamran Quliyev və Fariz Nəcəfov, “Keşlə” və “Sabah”ı baş menecerlər Eldəniz Yusubov və Nəsimi Musayev, “Zirə” və “Səbail”i icraçı direktorlar Cahangir Məmmədov və Fərəc Əliyev təmsil ediblər. “Sumqayıt”ı təmsil etməli olan nümayəndə səsverməyə qatılmasa da, rəsmi məktubla hazırkı prezidentə səs verdiyi ifadə edib. Seçkidə klubların nümayəndələri yekdilliklə Ramin Musayevə səs veriblər. Beləliklə, Ramin Musayev növbəti dəfə dörd il müddətə Peşəkar Futbol Liqasına rəhbərlik edəcək.

Xəbər 434 dəfə oxundu.