Kikboksçularımızın hazırlıq səviyyəsinin artırılması diqqət mərkəzində saxlanılır
İdmançılarımız artıq açıq havada təlim-məşqlərə başlayıblar. Məqsədimiz kikboksçularımızın hazırlığını qısa vaxtda yüksək səviyyəyə qaldırmaqdır.

Bu sözləri “Vətən” kikboksinq klubunun direktoru və baş məşqçisi Anar Heydərquliyev müsahibəsində bildirib.

O deyib ki, fəaliyyətə yeni başlamasına baxmayaraq, bu idman ocağında perspektivli döyüşçülər yetişib. Klubumuz Azərbaycan Kikboksinq Federasiyasının diqqət və qayğısı nəticəsində fəaliyyətini genişləndirir. Buna görə federasiyanın rəhbəri, Milli Məclisin deputatı Adil Əliyevə minnətdarlığımızı bildiririk.

A.Heydərquliyev pandemiya dövründə komandaların həmişə nəzarətdə olduğunu və məşqlərin onlayn qaydada keçirildiyini bildirib: “İdmançılarımızın sağlamlığının qorunması çox vacibdir. Komandalarla karantin qaydaları ilə bağlı maarifləndirici söhbətlər aparılır. Məşqlər zamanı karantin rejimi qaydalarına tam əməl edirik. Çalışırıq ki, idmançılarımız ustalıqlarını artırmaqla yanaşı, həm də sağlamlıqlarının qeydinə qalsınlar”.

AZƏRTAC

Xəbər 705 dəfə oxundu.