“Mançester Yunayted” klubu “Liverpul”un rekordunu yeniləyib | |
İngiltərənin “Mançester Yunayted” futbol klubu yeni rekord müəyyənləşdirib. Ole-Qunnar Sulşerin yetirmələri tarixində birinci dəfə “Tottenhem” komandasının stadionunda qol sevinci yaşayıblar. Bununla da Mançester təmsilçisinin Premyer Liqada qol vurduğu stadionların sayı 59-a çatıb. Beləliklə, “Mançester Yunayted” Premyer Liqa tarixində oyunların keçirdildiyi bütün stadionlarda qol vurub. İndiyədək bu nəticəyə yalnız “Liverpul” klubu nail olub. Qeyd edək ki, iyunun 19-da keçirilən “Tottenhem”-“Mançester Yunayted” görüşündə qalib müəyyənləşməyib – 1:1. Hazırda İngiltərə çempionatının turnir cədvəlində Mançester təmsilçisi 46 xalla beşinci, London klubu isə 42 xalla səkkizinci pillədə qərarlaşıb. AZƏRTAC |
|
Xəbər 529 dəfə oxundu. |
|
|