AFFA könüllülərə təşəkkür edib | |
COVID-19 pandemiyası ilə əlaqədar Nazirlər Kabineti yanında Operativ Qərargahın qəbul etdiyi müvafiq qərarlara uyğun olaraq tətbiq edilən karantin müddətində AFFA yaşı 65-dən yuxarı olan bir neçə futbol veteranına həftədə iki dəfə zəruri gündəlik tələbat malları ilə yardım edib. Yardımın çatdırılması “Avro-2020”nin könüllüləri vasitəsilə həyata keçirilib. AFFA-nın icraçı vitse-prezidenti Elxan Məmmədov videokonfrans vasitəsilə futbol veteranlarına yardım kampaniyasının iştirakçısı olmuş könüllülərlə ünsiyyətdə olub, fəal iştiraklarına görə qurum rəhbərliyi adından onlara təşəkkür edib. E.Məmmədov qeyd edib ki, 2020-ci il dövlətimizin başçısının Sərəncamı ilə “Könüllülər ili” elan olunub və gənclərin bu prosesdə iştirakı, könüllü kimi AFFA-nın yardım kampaniyasına öz töhfələrini verməsi təqdirəlayiq haldır. Yardım kampaniyasında iştirak etmiş hər bir könüllü sertifikatla təltif olunub və videokonfrans zamanı həmin sertifikatların yaxın günlərdə könüllülərin ünvanlarına çatdırılacağı bildirilib. |
|
Xəbər 530 dəfə oxundu. |
|
|