Şəhriyar Məmmədyarov onlayn beynəlxalq turnirin sonuncu turlarında mübarizə aparacaq | |
Azərbaycan şahmatçısı Şəhriyar Məmmədyarov Birləşmiş Ərəb Əmirliklərinin (BƏƏ) “Sharjah Chess” klubunun təşkilatçılığı ilə keçirilən onlayn beynəlxalq turnirin sonuncu turlarında iştirak edəcək. İyunun 13-də keçiriləcək qarşılaşmalarda şahmatçımız polşalı Radoslav Voytaşek, özbəkistanlı Rüstəm Qasımcanov, Pentala Xarikrişna (Hindistan), misirli Bassem Amin və Saleh Salem (BƏƏ) ilə mübarizə aparacaq. Qeyd edək ki, iyunun 12-də keçirilmiş əvvəlki 5 turda şahmatçımız hamıdan çox – 4 xal toplayıb. Təmsilçimiz bu nəticə ilə birinci pillədə qərarlaşıb. İki dövrədən ibarət olan turnirin mükafat fondu 10 min ABŞ dollarıdır. |
|
Xəbər 542 dəfə oxundu. |
|
|