"Qəbələ" yoxlama matçında "Sumqayıt"la heç-heçə edib

Azərbaycan Premyer Liqasına hazırlıqlarını davam etdirən "Sumqayıt" klubu iyunun 10-da "Qəbələ" ilə yoxlama oyunu keçirib. "Kapital Bank Arena"da keçirilən matçda qalib müəyyənləşməyib. Görüşdə "Sumqayıt"ın qollarını Elvin Cəfərquliyev (8) və Amil Yunanov (73) vurub. "Qəbələ"nin heyətində isə Roman Hüseynov (42) və Nikolas Raysel (60) fərqləniblər. Qeyd edək ki, "Sumqayıt" Premyer Liqada 23 xalla 4-cü, "Qəbələ" isə 19 xalla sonuncu - 8-ci yerdədir. Turnirin iyunun 21-də bərpa ediləcəyi açıqlanıb.

Xəbər 514 dəfə oxundu.