AİJF yazı müsabiqəsi elan edir​

Azərbaycan İdman Jurnalistləri Federasiyası (AİJF) görkəmli idman jurnalisti Mirpaşa Miriyevin 100 illik yubileyi münasibəti ilə “Azərbaycan idman jurnalistikası: dünən, bu gün və sabah” mövzusunda yazı müsabiqəsi elan edir. Müsabiqəyə yalnız AİJF üzvləri qatıla bilərlər; Hər jurnalist müsabiqəyə bir yazı təqdim etmək hüququna malikdir; ​ Yazılar 15 may – 15 iyun aralığında heç bir yerdə dərc olunmadan​ azesportsmedia@gmail.com​ e-mailinə göndərilməlidir; Yazılar münsiflər heyətinə imzasız təqdim olunacaq. Qaliblərin adları 2020-ci il iyulun 2-də açıqlanacaq. Bütün yazıların müəllifləri isə iyunun 25-dən iyulun 1-dək yazılarını çalışdıqları saytlarda və ya qəzetlərdə dərc etməlidirlər. Yazılara dair tələblər: - Times New Roman şriftində (12) yazılmalı, 7-11 min arası işarədən artıq olmamalıdır; - orijinal olmalı, indiyə qədər mediada yayılmamalıdır; - Azərbaycan dilində olmalıdır; - jurnalist araşdırmalarına üstünlük veriləcək. Yazıya əlavə olunmalı sənədlər: Şəxsiyyət vəsiqəsinin surəti; VÖEN-in surəti. Müsabiqə üçün aşağıdakı mükafat fondu müəyyənləşdirilib: 1-ci yer – 500 manat 2-ci yer – 300 manat 3-cü yer – 200 manat

Xəbər 592 dəfə oxundu.