“Beşiktaş” futbol klubunun 8 üzvünün koronavirus testlərinin nəticələri müsbət çıxıb | |
İstanbulun “Beşiktaş” futbol klubunun səkkiz üzvünün koronavirus testlərinin nəticələri müsbət çıxıb. Koronavirus testi ötən gün kluba məxsus Nevzat Demir bazasında aparılıb. Ümumilikdə 100-dək şəxs müayinə edilib. Koronavirusa yoluxduğu müəyyən edilən şəxslərdən birinin futbolçu, digərlərinin isə idman bazasının əməkdaşları olduqları bildirilib. Klubun prezidenti Ahmet Nur Çebi də “COVID-19” infeksiyasına yoluxub. Bununla əlaqədar futbolçuların məşqləri dərhal qeyri-müəyyən müddətədək dayandırılıb. Futbolçuların, texniki heyətin və əməkdaşların bir həftə sonra yenidən müayinə ediləcəkləri qeyd olunub. Xatırladaq ki, ötən həftə klubda aparılan müayinələr nəticəsində iki nəfərin testləri müsbət çıxmışdı. |
|
Xəbər 436 dəfə oxundu. |
|
|