Azərbaycan Güləş Federasiyasının sabiq vitse-prezidenti vəfat edib | |
Mayın 13-də səhər saatlarında Azərbaycan Güləş Federasiyasının (AGF) sabiq vitse-prezidenti Məhəmməd Əliömərov dünyasını dəyişib. Azsport.az AGF-yə istinadla xəbər verir ki, son olaraq Rusiyanın qadınlardan ibarət yığmasının baş məşqçisi vəzifəsində çalışan təcrübəli mütəxəssis Mahaçqaladakı klinikaların birində 68 yaşında vəfat edib. Qeyd edək ki, M.Əliömərov 1952-ci il mayın 29-da Dağıstan Respublikasının Çaroda rayonunun Tlyaroş kəndində dünyaya gəlib. SSRİ idman ustası olan M.Əliömərov Sidney və Afina Olimpiadalarında sərbəst güləşdə qazanılan uğurlara görə Olimpiya Komitəsinin Ali Ordeni, 2007-ci ildə isə “Dostluq” ordeni ilə təltif edilib. 2008-2017-ci illərdə AGF-də sərbəst güləş üzrə vitse-prezident vəzifəsində çalışıb. 2019-cu ildən Rusiyanın qadınlardan ibarət yığmasının baş məşqçisi kimi fəaliyyət göstərirdi. M.Əliömərov Azərbaycan Prezidenti İlham Əliyevin 2012-ci il 31 avqust tarixli Sərəncamı ilə “Tərəqqi” medalı ilə təltif edilib. AGF mərhumun yaxınlarına, Rusiya və Dağıstan Güləş federasiyalarına başsağlığı verib. |
|
Xəbər 535 dəfə oxundu. |
|
|