İngiltərədə futbol matçlarında vaxtın azaldılması təklif olunub
Peşəkar Futbolçular Assosiasiyasının (PFA) prezidenti Qordon Teylor İngiltərədə matçların vaxtının azaldılması ilə bağlı təklif aldıqlarını və hazırda bu məsələnin müzakirə edildiyini bildirib.

Q.Teylor bu barədə deyib: “Gələcəyi proqnozlaşdıra bilmərik, amma müxtəlif təklifləri nəzərdən keçiririk. Onlardan biri də oyunlarda çoxlu əvəzləmələr və qarşılaşmada vaxtın azaldılmasıdır. Bu məsələlərlə bağlı düzgün qərar qəbul etmək istəyirik”, - deyə Q.Taylor bildirib.

Qeyd edək ki, İngiltərə Premyer Liqası martın 13-də koronavirus pandemiyasına görə dayandırılıb.

Xəbər 597 dəfə oxundu.