İdman jurnalistləri üçün “Dopinqlə mübarizə” mövzusunda təlimlər başlayır
Azərbaycan İdman Jurnalistləri Federasiyası (AİJF) Azərbaycan Milli Antidopinq Agentliyi ilə birlikdə dopinqlə mübarizə sahəsinin ən aktual mövzularına dair təlimlərə başlayır. İdman jurnalistləri üçün təlimlər iki mərhələdən ibarət olacaq.

Əvvəlcə mayın 11-də açıq vebinar keçiriləcək. Saat 14:00-da başlanacaq vebinar bir saat davam edəcək. Mövzular isə bunlardır:

- Antidopinq qayda pozuntularının aşkarlanması və araşdırmaların aparılması;

- Qadağan edilmiş maddələrin qanunsuz dövriyyəsi və hüquq-mühafizə orqanları ilə əməkdaşlıq;

- Respublika idman federasiyalarının öhdəlikləri;

- Antidopinq qayda pozuntuları mübahisələri üzrə qapalı dinləmə prosesi və Ümumdünya Antidopinq Agentliyi (WADA) tərəfindən qərarların yoxlanılması;

- WADA-nın Məcəlləsi, ölkələrə tələbləri və s.


Vebinara qoşulmaqla jurnalistlər antidopinq mövzusunda biliklərini artıra və onları maraqlandıran suallarla bağlı müzakirə apara bilərlər.

Qeydiyyatdan keçmiş jurnalistlər üçün təlimlər karantin rejimi bitdikdən sonra seminar formasında davam etdiriləcək. Seminarın yekununda isə jurnalistlərə sertifikatlar və xatirə hədiyyələri təqdim olunacaq.

Dəyərli həmkarlar, ad, soyad, təmsil etdiyi KİV, e-mail ünvanı və mobil telefon nömrəsini göndərməklə (azesportsmedia@gmail.com) qeydiyyatdan keçə və vebinara qoşulmaq üçün linki əldə edə bilərsiniz.

Xəbər 759 dəfə oxundu.