Fiqurlu konkisürmə üzrə dünya çempionatı ləğv edilib

Beynəlxalq Konkisürmə İttifaqı Kanadanın Monreal şəhərində keçiriləcək fiqurlu konkisürmə üzrə dünya çempionatını ləğv edib. Beynəlxalq qurum martın 16-22-nə planlaşdırılan çempionatı koronavirus pandemiyasına görə əvvəlcə təxirə salmışdı. Ancaq sonra təşkil olunan onlayn-görüşdə qurumun şurası çempionatın ləğvinə qərar verib. İclasda, həmçinin yeniyetmələr arasında konkisürmənin müxtəlif növləri üzrə Koreya Respublikası və ABŞ-da təşkil olunacaq dünya birincilikləri də ləğv olunub. 2020-2021-ci il mövsümünün təvimi Beynəlxalq Konkisürmə İttifaqının şurasının aprelin 28-də keçiriləcək onlyan-görüşündə müzakirə olunacaq.

Xəbər 645 dəfə oxundu.