İtaliya futbol çempionatının yenidən bərpası ehtimalı azdır | |
“Pandemiya təhlükəsinə görə İtaliya futbol çempionatının davam etməsi ehtimalı azdır". Azsport.az” saytı TASS agentliyinə istinadla xəbır verir ki, bu sözləri İtaliya səhiyyə nazirinin müavini Pierpaolo Sileri İtaliya mətbuatına müsahibəsində söyləyib. İtaliya çempionatı martın əvvəlində ölkədə koronavirusun yayılması səbəbindən dayandırılıb. İtaliya Futbol Federasiyasının prezidenti Qabriele Qravina bundan əvvəl turnirin hipotetik olaraq mayın 17-də bərpa oluna biləcəyini bildirmişdi. O, bununla yanaşı, İtaliya çempionatının cari mövsümün sentyabr-oktyabr aylarında başa çatacağı variantını da istisna etməyib. İtaliya çempionatında komandalar planlaşdırılan 38 oyundan 25-26-da oynayıblar. "Yuventus" 26 oyundan sonra 63 xalla liderdir. İkinci yerdə Romanın "Lazio" komandası (26 oyundan sonra 62 xal), üçüncü yerdə Milan "İnter" (25 oyundan sonra 54 xal) komandasıdır. Həmçinin İtaliya Kuboku oynanılmayıb, yarımfinal mərhələsində turnir dayandırılıb. İtaliya koronavirusdan ən çox əziyyət çəkən ölkələrdən birinə çevrilib. Orada 20 mindən çox insan koronavirusdan həyatını itirib. |
|
Xəbər 709 dəfə oxundu. |
|
|