Red Bull şirkətinin idman məsləhətçisi Helmut Marko sürücülərə bilərəkdən Covid-19 virusu yoluxdurmaq istəyib.Azsport.az saytı xarici KİV-lərə istinadən xəbər verir ki, bu barədə H.Markonun özü məlumat yayıb.
“Bizim 4 Formula 1 sürücümüz və 8-10 yeniyetməmiz var. Bunların hamısı həqiqətən də sağlam və güclü gənclərdir. Bu fasilə ərzində bir düşərgə yaradıb onlara infeksiya yoluxdurmaq istədik. Bunun üçün ən yaxşı vaxt idi. Virus qurtardıqdan sonra çətin bir çempionat olacaq. Belə olan halda yarışlar başlayanda hamıdan güclü olardılar. Virus davam etdiyi halda bizim üstünlüyümüz olardı. Amma bunu müzakirə etdik və qəbul olunmadı. Çünki Maks Ferstappen virusdan çox qorxur”, -deyə Marko əlavə edib.
76 yaşlı Marko özünün artıq koronavirus keçirmiş olduğuna inanır: “Fevralda mənə soyuq dəymişdi və pis öskürürdüm. Vəziyyət 10 gün davam elədi və ilk dəfə belə halla üzləşirdim. İndi isə əminəm ki, koronavirusa yoluxubmuşam”.
Qeyd edək ki, Marko əmindir ki, xəstəliyə qarşı immunitet qazanıb.
Aynurə PƏNAHQIZI
Xəbər 553 dəfə oxundu.