Kross qaçışı üzrə Bakı çempionatının qalibləri müəyyənləşib

Bakı Dövlət Cıdır Meydanında kross qaçışı üzrə paytaxt çempionatı keçirilib. Azərbaycan Atletika Federasiyasının, Bakı Şəhər Gənclər və İdman Baş İdarəsinin birgə təşkilatçılığı ilə keçirilən çempionatda yeniyetmələr, gənclər və böyüklər iştirak ediblər. Yarışda 8 komandadan 90 idmançı mübarizə aparıb. Qadınların yarışında 1 kilometr məsafəyə qaçışda Tutuxanım İsrafilova birinci olub. Günel Manafova 2, Anna Yusupova isə 6 kilometr məsafəyə qaçışda qızıl medal qazanıblar. Kişilərin mübarizəsində Səid Səfərli 2, Mahmud Mehdiyev 3, Emin Hacıyev 6, İlham Abışov isə 10 kilometr məsafəyə qaçışda fəxri kürsünün ən yüksək pilləsinə qalxıblar. İlk üç yeri tutan idmançılar Baş İdarə tərəfindən müvafiq dərəcəli diplom və xatirə hədiyyələri ilə mükafatlandırılıblar.

Xəbər 806 dəfə oxundu.