Sərbəst güləşçilərimiz Avropa Olimpiya təsnifat turnirinə hazırlığı davam etdirirlər | |
Xəbər verdiyimiz kimi, sərbəst güləş üzrə yığmamız Rusiyanın Kislovodsk şəhərində təlim-məşq toplanışı keçir. Romada keçirilən Avropa çempionatından dərhal sonra qonşu ölkədə hazırlıq prosesinə start verən yığmamızın heyətində Olimpiya çəkilərində çıxış edən güləşçilər yer alıb. AGF-nin sərbəst güləş üzrə vitse-prezidenti Firdovsi Umudov, baş məşqçi əvəzi Zəlimxan Hüseynov və məşqçi Arif Abdullayevin rəhbərliyi altında keçirilən toplanış fevralın 29-dək davam edəcək. Özbəkistan və Türkiyə komandalarının da iştirak etdiyi hazırlıq prosesinin keçirilməsində əsas məqsəd fiziki hazırlığın yüksəldilməsidir. Qeyd edək ki, toplanış martın 19-dan 22-dək Macarıstanın paytaxtı Budapeştdə təşkil olunacaq Avropa Olimpiya təsnifat turnirinə hazırlıq xarakteri daşıyır. |
|
Xəbər 869 dəfə oxundu. |
|
|