Azərbaycan şahmatçısı Misrəddin İsgəndərov “Caspian Cup” festivalının qalibi olub
İranın Rəşt şəhərində keçirilən və Azərbaycan şahmatçılarının da qatıldıqları 18-ci “Caspian Cup” festivalı fevralın 19-da başa çatıb.

Festivalın A (masters) turnirində mübarizə aparan şahmatçılarımızdan Misrəddin İsgəndərov parlaq nəticə göstərərək turnirin qalibi olub. Şahmatçımız 9 turdan 8 xal toplayıb. İkinci yerdə 7,5 xalla İran təmsilçisi Araş Tahbaz qərarlaşıb. Üçüncü yeri isə 7 xalla Ermənistan şahmatçısı Gevorq Harutyunyan tutub.
Digər şahmatçılarımızdan Vüqar Rəsulov və Azər Mirzəyev də turniri 7 xalla başa vurublar. Onlar əlavə göstəricilərə görə, altıncı və yeddinci yerlərdə qərarlaşıblar.
Doqquz turdan ibarət turnir İsveçrə sistemi üzrə keçirilib.

Xəbər 196 dəfə oxundu.