Qadın güləşçilərimiz Avropa çempionatına Türkiyədə hazırlaşırlar

Qadınlardan ibarət güləş yığmamız Türkiyədə təlim-məşq toplanışını davam etdirir. Millimiz baş məşqçi Aslan Ağayev və məşqçi Rövşən Umudovun rəhbərliyi altında hazırlıq keçir. Avropa çempionatına və qarşıdakı lisenziya turnirlərinə hazırlıq xarakteri daşıyan toplanışda Türkan Nəsirova (50 kq), Alyona Kolesnik (57 kq), Elmira Qəmbərova (59 kq), Tatyana Omelçenko (62 kq), Elis Manolova (65 kq), İrina Netreba (68 kq) və Səbirə Əliyeva (76 kq) iştirak edirlər. Komandamız fevralın 10-dək Ədirnədə Türkiyə və Tayvan yığmaları ilə birgə toplanış keçəcək. Millimiz qitə birinciliyində iştirak etmək üçün İtaliyanın paytaxtı Romaya qonşu ölkədən yollanacaq. Qeyd edək ki, yığmanın lideri Mariya Stadnik məşqləri Ukraynanın Lvov şəhərində davam etdirir.

Xəbər 788 dəfə oxundu.