Boks üzrə Azərbaycan milli komandaları Olimpiya təsnifat turnirlərinə hazırlığı davam etdirirlər | |
Kişi və qadın boksçulardan ibarət Azərbaycan milli komandaları təlim-məşq toplanışını davam etdirirlər. Yığmamız hazırlığı Abşeron Olimpiya İdman Kompleksində keçir. Kişilərdən ibarət millinin baş məşqçisi Umberto Orta Dominqesin rəhbərliyi altında reallaşan məşqlərdə 20 boksçu iştirak edir. Tailanddakı təlim-məşq toplanışından sonra əsas diqqət taktiki-texniki və fiziki hazırlığa yönəlib. Qadınlardan ibarət komandamız isə 8 boksçu ilə məşq edir. Baş məşqçi Elbrus Rzayev də yetirmələrinə əsasən funksional hazırlıq keçir. Hər iki yığma gündə 2 dəfə – səhər və axşam məşq edir. Qeyd edək ki, təlim-məşq toplanışı “Tokio 2020”yə lisenziya verən Olimpiya təsnifat turnirlərinə hazırlıq xarakteri daşıyır. |
|
Xəbər 867 dəfə oxundu. |
|
|