Formula 1-in Çin Qran-Prisinin taleyi: FIA koronavirusla bağlı vəziyyəti izləməkdə davam edir | |
Beynəlxalq Avtomobil Federasiyası (FIA) 2019-nCoV koronavirusu epidemiyası ilə bağlı Çində vəziyyəti izləməkdə davam edir. Beynəlxalq avtomobil idmanı yarışlarının keçirilməsi və ya ləğvi barədə hələ qərar qəbul olunmayıb. Daha əvvəl xəbər verilmişdi ki, Formula E çempionatının martın 21-nə nəzərdə tutulan Çin mərhələsi ləğv olunma təhlükəsi ilə üz-üzədir. Formula 1 mərhələsi ilə də vəziyyət ürəkaçan deyil. Aprelin 17-dən 19-dək Şanxayda çempionatın Çin Qran-Prisi keçirilməlidir. Qeyd edək ki, bu günədək artıq 7742 nəfər 2091-nCoV yeni koronavirusuna yoluxub, xəstəlik nəticəsində ölənlərin sayı isə 170-ə çatıb. Uxan şəhəri hazırda çıxış üçün bağlanıb, qonşu şəhərlərdə də məhdudiyyət tətbiq olunub. FIA Formula 1 və Formula E mərhələlərinin Çində keçirilib-keçirilməyəcəyi barədə qərarı daha sonra verəcək. AZƏRTAC |
|
Xəbər 876 dəfə oxundu. |
|
|