Azərbaycan təmsilçiləri “Tata Steel Chess 2020” şahmat festivalında növbəti oyunlarını keçiriblər

Niderlandın Veyk-an Zee şəhərində təşkil olunan “Tata Steel Chess 2020” şahmat festivalında Azərbaycan təmsilçiləri növbəti oyunlarını keçiriblər. Festivalın “Tata Steel Qualifer” turnirində iştirak edən gənc şahmatçımız Aydın Süleymanlı yeddinci turda niderlandlı Siem Van Daeli məğlub edərək aktivinə daha 1 xal əlavə edib. O, yeddi turun nəticəsinə görə 4 xalla 4-cü sırada qərarlaşıb. Festivalın “Tata Steel Chalangers” turnirində mübarizə aparan Rauf Məmmədovun isə on birinci turda almaniyalı Vinset Keymer ilə oyununda bərabərlik qeydə alınıb. On bir turun yekununa görə, aktivində 5,5 xal olan R.Məmmədov yeddinci pillədədir.

Xəbər 651 dəfə oxundu.