Dortmund «Borussiya»sı yapon oyunçusu Sinzi Kaqavanı «Mançester Yunayted»ə satmaqdan imtina edib. «The Guardian»ın yazdığına görə, ingilis klubu Yaponiya millisinin üzvü üçün almanlara 16 milyon avro təklif edib.Mənbənin məlumatına görə tərəflər arasındakı danışıqlar gələn həftə davam etdiriləcək. Güman edilir ki, klublar 17-18 milyon avro həddində razılığa gələcəklər.
Hələ ötən ayın sonunda «Borussiya»nın idman direktoru Mixael Sork bəyan etmişdi ki, Kaqava Dortmund klubu ilə müqaviləsini uzatmaq fikrində deyil. Futbolçu özü dəfələrlə söyləyib ki, karyerasını Premyer Liqada davam etdirmək istəyir.
İdman.com.az saytının məlumatına görə, ötən mövsümdə Kaqava Almaniya çempionatında 33 oyun keçirib. Bu görüşlərdə o, rəqib qapıçılarını 13 dəfə məyus edib.
Xəbər 1020 dəfə oxundu.