“Azərbaycan” komandası Şahmat Olimpiadasına qələbə ilə başlayıb

“Azərbaycan” komandası Türkiyənin Çorum şəhərində 16 yaşadək idmançılar arasında keçirilən Şahmat Olimpiadasına qələbə ilə başlayıb. Ölkəmizi bu yarışda təmsil edən əsas yığmanın üzvləri – “Azərbaycan” komandası Monqolustan yığmasına 3:1 hesabla qalib gəlib. Yarışda çıxış edən digər komandamız – “Azərbaycan-Naxçıvan” şahmatçıları isə ilk turda məğlub olublar (1:3). Əlliyə yaxın komandanın mübarizə apardığı Olimpiada noyabrın 6-dək davam edəcək.

Xəbər 713 dəfə oxundu.