Türkiyə Superliqasının IX turuna start verilib

Oktyabrın 25-də futbol üzrə Türkiyə Superliqasının IX turunun ilk qarşılaşmasında "Rizəspor" doğma meydanda "Ankaragücü"nü qəbul edib. "Çayjur Dide" stadionunda baş tutan görüş maraqlı hücumlarla yadda qalıb. Görüşdə hesabı 28-ci dəqiqədə meydan sahiblərinin hücumçusu Brayan Samudio açıb. Birinci hissə elə bu hesabla bitib 1:0. İkinci hissənin 60-cı dəqiqəsində Rizə təmsilçisi hesab arasındakı fərqi artırıb. Fernando Boldrin çərçivəni dəqiq nişan alıb. Bu oyunda vurulan son qol olub. Beləliklə, "Rizəspor" doğma meydanda "Ankaragücü"nü 2:0 hesabı ilə məğlub edib. Bu oyundan sonra "Rizəspor" turnir cədvəlində 11 xalla onuncu pillədə qərarlaşıb. Oktyabrın 26-27-28-də keçiriləcək turun digər oyunları aşağıdakılardır. "Sivasspor"-"Antalyaspor", "Qaziantep"-"Alanyaspor", "Fənərbağça"-"Konyaspor", "Malatyaspor"-"Kayserispor", "Gənclərbirliyi"-"Denizlispor", "Göztəpə"-"Kasımpaşa", "Beşiktaş"-"Qalatasaray", "Başakşəhər"-"Trabzonspor". AZƏRTAC

Xəbər 680 dəfə oxundu.