Fernado Alonso yaxın vaxtlarda Formula 1 yürüşlərinə qayıtmayacağını təsdiqləyib
Formula 1 yürüşlərinin ikiqat çempionu, sonuncu çempionda “McLaren” komandasının pilotu ispaniyalı Fernando Alonso bəyan edib ki, yaxın vaxtlarda yürüşlərə qatılmağı planlaşdırmır.

“GPblog” Alonsonun bu sözlərini sitat gətirir: “Mənim qısamüddətli perspektivdə Formula 1 yürüşlərinə qayıtmaq niyyətim yoxdur. Ötən il mən çempionatı tərk etmək qərarı verdim. Bu, 18 il ən yüksək səviyyədə əlimdən gələni etdikdən sonra dincəlməkdən ötrü idi. Hələ ki, heç nə dəyişməyib.

Formula 1 ilin 365 gününü diqqət tələb edir. İndi mən bir az dincələ bilərəm. Fürsət yaranan kimi mən qayıtmaq barədə düşünəcəyəm”.

Qeyd edək ki, Alonso “Toyota”nın heyətində 2020-ci ilin əvvəlində Dakar ralli-reydində iştirak edə bilər. Lakin bu məlumat hələ ki, rəsmi təsdiqini tapmayıb.

AZƏRTAC

Xəbər 689 dəfə oxundu.