Azərbaycan Premyer Liqası: “Neftçi” səfərdə “Qəbələ”ni böyük hesabla məğlub edib

Azərbaycan Premyer Liqasında 6-ci turun daha bir oyunu keçirilib. Qəbələ şəhər stadionunda eyniadlı komanda "Neftçi" klubunu qəbul edib. İlk yarıda hesab açılmayıb. Fasilədən sonra isə qonaqlar qolları sıralamağa başlayıblar. Matçın 60-cı dəqiqəsində Tural Axundov hesabı açıb. Görüşün 72-ci dəqiqəsində Rauf Əliyev, 89-cu dəqiqədə isə Stiven Monroz meydan sahiblərini məyus edib. Bu qələbədən sonra xallarını 8-ə çatdıran "Neftçi" 3-cü pilləyə yüksəlib. Dörd xala malik "Qəbələ" isə 7-ci pillədə qərarlaşıb.

Xəbər 643 dəfə oxundu.