Azərbaycanın iki atleti Qətərdə dünya çempionatının final mərhələsinə yüksəlib
Sentyabrın 27-də Qətərin paytaxtı Dohada atletika üzrə dünya çempionatına start verilib.

Mundialın birinci günündə atletimiz Anna Skidan çəkicatma növündə 73,32 metr nəticə göstərərək finala yüksəlib.

Aleksis Kopello təsnifat mərhələsində 16,95 metr nəticə göstərərək 6-cı olub. Atletimiz bu nəticə ilə adını finala yazdırıb.
Nazim Babayevin isə çıxışı uğursuz olub. O, 16,65 metr nəticə göstərərək 19-cu olub və finala vəsiqə qazana bilməyib.

Dünya çempionatında ölkəmizi baş məşqçi Bəhruz Salehlinin rəhbərliyi altında Nazim Babayev, Aleksis Kopello (üçtəkanla tullanma), Anna Skidan (çəkicatma) və Evans Kiplaqat (marafon) təmsil edirlər.

Qeyd edək ki, marafonda iştirak edən digər təmsilçimiz Evans Kiplaqat isə oktyabrın 5-də mübarizəyə başlayacaq.

Xəbər 793 dəfə oxundu.