53 yaşlı meksikalı mütəxəssis Uqo Sançes «Paçuka»nın baş məşqçisi təyin olunub. Madrid «Real»ının keçmiş əfsanəsi, «kral klubu»nun, ümumiyyətlə İspaniya La Liqasının tarixinin ən yaxşı bombardirlərindən olan Sançes mayın 18-də yeni kürsüdə rəsmi təqdim olunacaq.İdman.com.az saytının məlumatına görə, meskikalının son iş yeri vətəninin yığması olub. Həmin kürsünü o, 2008-ci ildə tərk etmişdi.
Meksikanın ən uğurlu klublarından olan «Paçuka» son 10 ildə 5 dəfə ölkə çempionluğu yaşayıb.
Uqo Sançes əfsanəvi futbolçu karyerasını Meksika UNAM-ında başlayaraq, 183 oyunda 99 qol vurmuşdu. Sonradan İspaniyaya köç edib «Atletiko»da 4 ilini keçirmişdi. 4 mövsümə rəqib qapısıları 54 dəfə məyus etmişdi. Sonrakı «Real» karyerasında onun hesabında 207 oyuna 164 qol var. Sonradan dünya boyu var-gəl edən Sançes futbolçu karyerasını Madriddən gedişindən 6 il sonra – 1998-ci ildə başa vurub.
Xəbər 1278 dəfə oxundu.