| Albert Aqarunovun xatirəsinə həsr olunan “Olimpiya ümidləri” beynəlxalq karate turniri keçiriləcək | |
|
Sentyabrın 27-29-da Azərbaycanın Milli Qəhrəmanı, tankçı Albert Aqarunovun anadan olmasının 50 illik yubileyinə həsr edilən ənənəvi beynəlxalq karate turniri keçiriləcək. “Olimpiya ümidləri” adlandırılan turnirdə 6-13 yaşlı karateçilər mübarizə aparacaqlar. Gənclər və İdman Nazirliyinin, Azərbaycan Karate-Do Federasiyaları Assosiasiyasının və Azərbaycan Milli Karate Federasiyasının birgə təşkilatçılığı ilə baş tutacaq beynəlxalq xatirə turniri “Sərhədçi” Olimpiya İdman Mərkəzində keçiriləcək. Turnirin təntənəli açılış mərasimi sentyabrın 28-də olacaq. Xatirə turnirinə beynəlxalq hakimlər də dəvət ediləcəklər. Yarışda 10-dan artıq ölkədən idmançıların iştirakı gözlənilir. |
|
|
Xəbər 813 dəfə oxundu. |
|
|
|