Boksçularımız dünya çempionatına hazırlığı davam etdirirlər | |
Kişi boksçulardan ibarət Azərbaycan milli komandası sentyabrın 8-dən 21-dək Rusiyanın Yekaterinburq şəhərində keçiriləcək dünya çempionatına hazırlığı davam etdirir. Avqustun 14-dən baş məşqçi Nəriman Abdullayevin rəhbərliyi altında bir araya gələn yığma məşqlərini Bakı Boks Mərkəzində keçir. Təlim-məşq toplanışına hər çəkidə 2 nəfər olmaqla, 16 boksçu cəlb olunub. Mundaiala hazırlığın sonuncu mərhələsində boksçularımız gündə iki dəfə məşq edirlər. Səhər hazırlığında əsasən fiziki çalışmalar yerinə yetirən idmançılarımız axşam məşqini rinqdə gerçəkləşdirirlər. Təlim-məşq toplanışı sentyabrın 5-dək davam edəcək. Bundan sonra boksçularımız Rusiyaya yollanacaqlar. Qeyd edək ki, dünya çempionatı 8 çəki dərəcəsində keçiriləcək. Sentyabrın 8-də açılış mərasimi olacaq mundialda ilk döyüşlər ertəsi gün təşkil ediləcək. Qaliblərin adları isə sentyabrın 21-də dəqiqləşəcək. |
|
Xəbər 797 dəfə oxundu. |
|
|