Asiman Qurbanlı: “Hədəfim qızıl medal qazanıb, bayrağımızı zirvələrdə dalğalandırmaq idi”
“Mənim çəki dərəcəmdə olan idmançılar hamısı Dünya və Avropa çempionatlarının qalibləri idi. Mənim əsas hədəfim qızıl medal qazanıb, bayrağımızı zirvələrdə dalğalandırmaq idi”. Bu sözləri İkinci Avropa Oyunlarında qızıl medal qazanan karateçimiz Asiman Qurbanlı deyib.

“Çempion olmaq üçün çox çalışırdım. Çox güclü idmançılarla eyni qrupa düşmüşdüm. Buna baxmayaraq qızıl medal qazanmaq üçün əlimdən gələni elədim. Sevinirəm ki, məqsədimə çatdım və ölkəmizi bir addım da olsa irəli apardım.
Final görüşüm çətin oldu. Rəqibim çox yaxşı hazırlaşmışdı. Güclü idmançıdır, bir dəfə ona uduzmuşam. Bu dəfə taktikanı yaxşı qurdum. Düşündüyüm taktika var idi. Rəqibimin səhvimdən yararlandım, nəticədə 1:0 önə keçdim. Bu hesab üstünlüyümü sonadək qoruyub saxlaya bildim.

Karateçilərimiz Avropa Oyunlarına yaxşı hazırlaşıblar. İnanıram ki, onlar da medal qazanıb, ölkəmizi daha da irəli aparacaqlar”.




Xəbər 535 dəfə oxundu.