Boksçumuz ikinci Avropa Oyunlarının finalına vəsiqə qazanıb

İkinci Avropa Oyunlarının boks yarışlarında yarımfinal mərhələsinin döyüşləri davam edir. Boksçumuz Alfonso Dominqes (81 kq) “Uruçye Arena”da növbəti görüşünə çıxıb. O, finala vəsiqə uğrunda italiyalı Simone Fiori ilə qarşılaşıb. Bunadək ukraynalı Stefan Hrekulu 3:0, belaruslu Mixail Dauhalyavetsi 5:0, belçikalı Ziad El Mohoru 5:0 hesabı ilə məğlub edən boksçumuz ardıcıl dördüncü qələbəsini qazanıb. O, iyunun 29-da keçiriləcək finalda Qor Nersesyan (Ermənistan) – Bencamin Vittaker (Böyük Britaniya) qarşılaşmasının qalibi ilə döyüşəcək. Xatırladaq ki, bu gün Azərbaycanın digər boksçusu Lorenzo Sotomayor (69 kq) yarımfinalda məğlubiyyətə uğrayaraq bürünc medala sahib olub.

Xəbər 1104 dəfə oxundu.