London Yay Olimpiya Oyunlarının təsnifat yarışında Yaponiyanın Kakamigahara şəhərində keçirilən qadın otüstü hokkeyçilər arasında dünya olimpiya təsnifat turnirində qrup mərhələsinin oyunları başa çatıb. İdman.com.az saytının məlumatına görə, yarışın V turunda Azərbaycan millisi çilili həmkarları ilə qarşılaşıb.
Bu matçda Adil Paşayevin komandası finala çıxmaq üçün heç-heçə kifayət idi ki, onlar da bunu bacarıblar. Belə ki, komandamız cənubi amerikalılarla oyunun fasiləsinə 1 top öndə yollanıblar. Bundan sonra hokkeyçilərimiz fərqi 2-yə çatdırsalar da, çilililər hesabı bərabərləşdirməyə müvəffəq olub – 2:2. Nəticədə yığmamız həlledici görüşə vəsiqə qazanıb.
London-2012-yə vəsiqə üçün son matçda isə komandamızın rəqibi ev sahibləri olacaq. Onlar finala qrupda birinci olmaqla, vəsiqə qazanıblar. Qeyd edək ki, yığmamız ikinci dəfə olimpiadaya lisenziya uğrunda yarışacaqlar. Pekin-2008 ərəfəsində Bakıda keçirilmiş həmin yarışda qadın otüstü hokkeyçilərimiz, hakimlərin qərəzi sayəsində finalda İspaniya millisinə uduzmuşdular – 2:3.
V tur
Avstriya – Malayziya – 3:2
Yaponiya – Belarus – 4:0
Çili - Azərbaycan - 2:2
O Q H M T X
1.Yaponiya 5 4 1 0 23-1 13
2.Azərbaycan 5 3 1 1 15-6 10
3.Çili 5 2 2 1 8-6 8
4.Belarus 5 2 1 2 10-10 7
5.Avstriya 5 1 0 4 3-22 3
6.Malayziya 5 0 1 4 5-19 1
Xəbər 1345 dəfə oxundu.