| Alpaqut Turan döyüş sənəti üzrə Qarabağ açıq birinciliyinin qalibləri müəyyənləşib | |
|
Ağcabədi rayonunun Taxtakörpü qəsəbəsində alpaqut Turan döyüş sənəti üzrə keçirilən Qarabağ açıq birinciliyinin qalibləri müəyyənləşib. Regional birincilikdə federasiyanın Qarabağ regional nümayəndəliyinə daxil olan Ağdam, Ağcabədi, Kəlbəcər, Laçın və Zərdab rayonlarındakı filialları təmsil edən 100-dən artıq idmançı alpaqut Turan döyüş sənətinin aypara, batur, caymaz və qurşaq sistemləri üzrə mübarizə aparıblar. Yekun nəticələrə əsasən, Ağdam (aypara), Laçın (batur), Ağcabədi (caymaz) və Zərdab (qurşaq) rayonlarının komandaları birinci olublar. Federasiyanın və Laçın rayon gənclər və idman idarəsinin təşkilatçılığı ilə keçirilən turnirin qalibləri kubok, medal və diplomlarla təltif ediliblər. AZƏRTAC |
|
|
Xəbər 779 dəfə oxundu. |
|
|
|