Astarada məktəblilər arasında mini futbol üzrə rayon birinciliyi keçirilib
Yanvarın 22-dən 24-dək Astara rayon Gənclər və İdman İdarəsinin 2019-cu il I yarımillik Tədbirlər Planına əsasən Astara rayon Gənclər və İdman İdarəsinin Astara rayon Təhsil Şöbəsinin birgə təstiq etdiyi əsasnaməyə uyğun olaraq Astara Olimpiya İdman Kompleksində Yeniyetmələrin XII Respublika Oyunlarına hazırlıq məqsədi ilə 2006-2007-ci il təvəllüdlü məktəblilər arasında mini futbol üzrə rayon birinciliyi keçirilib.

Birinciliyin məqsədi Azərbaycan Respublikasında Futbolun inkişafına dair “Dövlət Proqramının” həyata keçirilməsi, “Bədən tərbiyəsi və İdman haqqında” Azərbaycan Respublikası qanununun müvafiq maddələrin həyata keçirilməsi, uşaq və yeniyetmələr arasında futbolun kütləviliyini artırmaq, yeniyetmə futbolçuların ustalıqlarını artırmaq və onlar arasında futbola maraqları yüksəltmək, yeniyetmələrin XII Respublika Oyunlarına hazırlıq məqsədi ilə rayonun yığma komandasını müəyyən etməkdir.

Yarışın sonunda Astara şəhər 1 saylı və 2 saylı tam orta məktəblərinin komandası müvafiq olaraq birinci və ikinci yerlərə layiq görülüblər.

Qaliblər Rayon Gənclər və İdman İdarəsinin diplomları ilə mükafatlandırılıb.

Xəbər 749 dəfə oxundu.