Oğuzda cüdo üzrə region birinciliyinin qalibləri müəyyənləşib

Azərbaycan Cüdo Federasiyasının dəstəyi ilə keçirilən bölgə birincilikləri davam edir. Oğuzda təşkil olunan region birinciliyində 2002-2004-cü il təvəllüdlü cüdoçular arasında bütün qaliblərin adlarına aydınlıq gəlib. Yarışda Babarahim Mirzəyev (46 kq), İlham Xankişiyev (55 kq), Məhərrəm Mehdiyev (60 kq), Murad Bəşirov (66 kq), Naməddin Yunisov (73 kq) və Rəsul Ağamalıyev (81 kq) fəxri kürsünün ən yüksək pilləsinə qalxıblar. Şimal bölgəsi üzrə yarışın mükafatçılarına Azərbaycan Cüdo Federasiyasının diplomları, medalları və hədiyyələr təqdim olunub.

Xəbər 617 dəfə oxundu.