Boks üzrə ustalar arasında növbəti Avropa çempionatına ev sahibliyi edəcək ölkənin adı məlum olub. İdman.com.az saytının məlumatına görə, 2013-cü ildə keçiriləcək yarış Belarusda təşkil olunacaq. Bununla bağlı qərar Avropa Boks Konfederasiyasının İcraiyyə Komitəsinin Türkiyənin Trabzon şəhərində bu gün keçirilən iclasında verilib. Qərara əsasən çempionat paytaxt Minskdə keçiriləcək. Təşkilatçılar “Minsk-Arena”da baş tutacaq yarışın dəqiq tarixini müəyyənləşdirməsə də, qitə çempionatının mayın 17-26-da olacağı planlaşdırılır.
Xəbər 1049 dəfə oxundu.