Yığmamız “Yadigar İmam Cup”da ikinci olub

İranın Sircan şəhərində yeniyetmə yunan-Roma güləşçiləri arasında “Yadigar İmam Cup” beynəlxalq turniri başa çatıb. Komanda yarışında yeniyetmələrdən ibarət yığmamızın məşqçiləri Nazim Əhmədov və Rasim Ağayevin rəhbərliyi altında Ziya Babaşov (45 kq), Qurban Qurbanov (48 kq), Elmir Əliyev, Nihad Quluzadə (hər ikisi 51 kq), Nihad Məmmədli (55 kq), Həsrət Cəfərov, Əli Alıyev (hər ikisi 60 kq), Xasay Həsənli (65 kq), Allahverdi Əliyev (71 kq), Qabil Əhmədov (80 kq), Laçın Vəliyev (92 kq) və Əli Fərmanovdan (110 kq) ibarət kollektiv ölkəmizi təmsil edib. Ötən gün qrupda keçirdiyi bütün görüşləri qələbə ilə başa vuran millimiz bu gün finalda İranda uduzub və gümüş medalla kifayətlənib. Xatırladaq ki, sərbəst güləşçilər bir neçə gün əvvəl analoji yarışda bürünc medal qazanıblar.

Xəbər 1016 dəfə oxundu.