Futbol üzrə Azərbaycan çempionatında cari mövsümün rekordu qeydə alınıb

Topaz Premyer Liqasının 2018-2019-cu illər mövsümündə ən çox tamaşaçı üçüncü turda “Qarabağ” – “Neftçi” qarşılaşmasında qeydə alınıb. azsport.az Peşəkar Futbol Liqasının rəsmi saytına istinadla xəbər verir ki, “Azersun Arena”da keçirilmiş matçı 3 min tamaşaçı izləyib. İlk iki turda rekord “Səbail” – “Qarabağ” görüşünə (0:2) məxsus olub. “Bayıl Arena”dakı matç Azərbaycan derbisindən təxminən üç dəfə az – 1050 tamaşaçı toplayıb. İndiyədək keçirilmiş üç turun 11 oyununu ümumilikdə 8700 tamaşaçı izləyib. Bunun da yarıdan çoxu – 4450-si hesabat turunda qeydə alınıb.

Xəbər 871 dəfə oxundu.