Çempionlar Liqasının 2019/2020-ci il mövsümünün final oyunu İstanbulda keçiriləcək
UEFA Çempionlar Liqasının 2019/2020-ci il mövsümünün final oyunu İstanbuldakı Atatürk Olimpiya stadionunda keçiriləcək.

Qərar Avropa Futbol Federasiyaları Birliyinin İcra Komitəsinin Kiyevdə keçirilən iclasında qəbul edilib. Final oyununa ikinci namizəd Portuqaliyanın Lissabon şəhərində yerləşən “Eştadiu da Luş” stadionu olub.

2002-ci ildə açılan Atatürk Olimpiya stadionu 76 min azarkeş tutumuna malikdir. 2005-ci ildə arena Çempionlar Liqasının final matçına ev sahibliyi edib. Həmən qarşılaşma “Liverpul” və “Milan” arasında baş tutub.

Xəbər 636 dəfə oxundu.